ಮೌನಿಯಾದೆ ಏಕೆ ಗೆಳತಿ!!!

ಮೌನಿಯಾದೆ ಏಕೆ ಗೆಳತಿ-
ನಿಲ್ಲಿಸಿ ಸವಿಯಾದ ಮಾತುಗಳ
ಬೆಳದಿಂಗಳ ಬೆಳಕಿನ ಚಿತ್ತಾರಗಳ
ಕೋಗಿಲೆಯ ಸವಿಗಾನದ ಸಂಗೀತಗಳ
ಮುಂಜಾನೆಯ ಎಳೆ ಸುಂದರ ರಶ್ಮಿಗಳ

ಮೌನಿಯಾದೆ ಏಕೆ ಗೆಳತಿ-
ನಿಲ್ಲಿಸಿ ಎಲ್ಲ ಹಾವ ಭಾವಗಳ
ಸಾಗರದ ತೆರೆಯ ಕಂಪನಗಳ
ಮನೆ ಗುಬ್ಬಿಯ ಕೊರಳ ಕುಣಿತಗಳ
ತಂಗಾಳಿಯ ಮಧುರ ಆನಂದಗಳ

ಮೌನಿಯಾದೆ ಏಕೆ ಗೆಳತಿ-
ನಿಲ್ಲಿಸಿ ಮುಂಗುರಳ ನಾಟ್ಯಗಳ
ಕೆನ್ನೆಯ ನಗುವಿನ ಚಿತ್ತಾರಗಳ
ನಾಸಿಕದ ಸುಂದರ ಹುಸಿ ಕೋಪಗಳ
ಚೆಲುವ ಕೆಂದುಟಿಗಳ ಚಲನೆಗಳ

--------ಮಹಾ ಭಟ್