ಓಲುಮೆ

ಅರಿತೆನೇ ಚೆಲುವೆ ನಿನ್ನಿಂದ,
ಒಲುಮೆ ಎನೆಂದು.
ಮಂಜಿನಲಿ ಧರೆಗಿಣುಕುವ
ಸೂರ್ಯನ ಕಿರಣಗಳೆಂದು,
ವರ್ಣಿಸಲಸದಳ, ಭವ್ಯ ಸುಂದರ,
ತಂಪನೀಯುವ ಪ್ರೇಮ ಸಾಗರ.

ಇದು ಮಬ್ಬಿನಲಿ ಕೈಗೆ ಸೋಕುವ ಇಬ್ಬನಿ,
ಚಿಲಿಪಿಲಿಗುಟ್ಟುವ ಹಕ್ಕಿಗಳ ಮಾರ್ದನಿ,
ಸದ್ದಿಲ್ಲದೆ ಹರಿಯುತಿಹ ಪ್ರೇಮ ತರಂಗಿಣಿ
ಕ್ಷಣದಲಿ ಸೆಳೆವ ಕ್ಷಿಪ್ರ ಸಂಮೋಹಿನಿ.

ಇದು ತಲ್ಲಣಿಸಿ ಸಾಗುತಿಹ ನೀರ ಝರಿ,
ಮನವಿ ಕೊಟ್ಟು ಮಾಡಿಸಿದ ನವಿಲುಗರಿ,
ನಿಂತು ಅರಳುತಿಹ ತಾವರೆಯ ಹೂವು
ಮುತ್ತಿಟ್ಟು ಓಡುತಿಹ ತಂಗಾಳಿಯ ಹರಿವು.

ನೂರಾರು ಭಾವವನು, ಮನಕೆ ಅಪ್ಪಳಿಸಿ,
ಎಲ್ಲವನು ತಾಳ್ಮೆಯಲಿ ಹಿಡಿದು ಸ್ವೀಕರಿಸಿ,
ಮಗುವಂತೆ ಉಡಿಯಲ್ಲಿ ಕಟ್ಟಿ ಸಲಹಿದೆ
ಭಿರುಸು ಕಲ್ಲಿಗೂ ನೀ ಪ್ರೇಮ ಮೂಡಿಸಿದೆ.

---ಮಹಾ