ಓ ನನ್ನ ಉಸಿರೆ

ನುಡಿಯಲಾರೆ ನಲ್ಲೆ ನಿನ್ನೀ ಒಲುಮೆಯ
ನೆನೆದೊಡನೆ ಸಿಗುವ ಆ ಸವಿಯ!
ನಿಲ್ಲದಾಗಿದೆ ಮನ ನನ್ನೊಳಗೆ
ನೀರಾಗಿ ಪ್ರೀತಿ ಜಾರಿದೆ ಒಡಲೊಳಗೆ!!

ನಿತ್ಯ ಸಂಭ್ರಮ, ಮುಗುಳ್ನಗು ಅನುದಿನ
ನಿರತ ಮನದೊಳು ನಿನದೆ ಧ್ಯಾನ!
ನವ್ಯ ಜೀವನ, ಪ್ರೀತಿ ಅನುಕ್ಷಣ
ನೂರು ಜನುಮಕು ಇದು ಬಿಡದ ಬಂಧನ!!

ನೀಡಿದೆ ನೀ ನನಗೆ ನವ ಜೀವನ
ನೋವ ಮರೆಸಿದ ಪ್ರಿಯೇ, ನಿನಗಿದೊ ನಮನ!
ನೆನಪು ಬಲವಾಗಿದೆ, ವಿರಹ ಬಾಧಿಸುತಿದೆ
ನವ ಪ್ರೇಮದ ಕುರುಡು ಕಾಡಿದೆ!!

ನಡೆದು ಬಂದೆ ನನ್ನ ಬಾಳ ಅರಮನೆಗೆ
ನಿಂತೆ ಏರಿ ಹ್ರದಯ ಗದ್ದುಗೆಗೆ!
ನೀನಿಲ್ಲದಾ ಬಾಳು ನಾ ಊಹಿಸಲಾರೆ
ನೀನೆ ನನಗೆಲ್ಲ, ಓ ನನ್ನ ಉಸಿರೆ!!


----ಮಹಾ