ಇದುವೇ ಆಧುನಿಕತೆ!!

ನವವರುಷವೆಂದು ನವೋಲ್ಲಾಸದ ಕೂಗು
ಮಸಣದೆಡೆ ನಡೆವಂತೆ ಮೆರವಣಿಗೆ,
ವಿಕಾರ ಚೀತ್ಕಾರ, ಹೆಂಡ ತುಂಡಿನ ಸತ್ಕಾರ
ಇದುವೇ ನವವರುಷದ ಸಂಭೃಮದ ಬಗೆ

ಕಣ್ಣುಕುಕ್ಕಿಸಿ ಝಗಮಗಿಸುವ ಬೆಳಕ ಚೆಲ್ಲಾಟ
ಗುನುಗುವ, ತೂರಾಡುವ, ಕುಡುಕರ ಓಡಾಟ
ಮತ್ತೇರಿ ಬಾಯ್ಬಡಿಯುತಿಹ ಕಾಮುಕರ ದಂಡು
ಹೆಂಗಸರು, ಗಂಡಸರು, ಇಲ್ಲೆಲ್ಲರೂ ಒಂದು!!

ಕುಡಿದರೇನೆ ಪ್ರಗತಿಯೆಂದು ಬೊಬ್ಬಿಡುವ ಜನರು
ಧರ್ಮವನು, ಮೌಲ್ಯವನು, ಬಿಟ್ಟವರೆಲ್ಲ ಪ್ರಗತಿಪರರು
ಸ್ವಂತಿಕೆಯಿಲ್ಲ, ಪರರ ನಂಬುವದಿಲ್ಲ
ತುಂಡುಡುಗೆ, ಹಾದರ, ಯಾವುದೂ ಅಸಭ್ಯವೇ ಅಲ್ಲ!!

ದೇಶ ಮುನ್ನಡೆಯಬೇಕು, ನಾವೂ ಸಾಧಿಸಬೇಕು,
ನಮಗಿತ್ತ ಸ್ವಾತಂತ್ರ್ಯವ ಅನುಭವಿಸಲೇಬೇಕು
ಇದುವೇ ಪ್ರಗತಿ, ಇದುವೇ ಆಧುನಿಕತೆ,
ಅನೈತಿಕತೆಯೇ ಮುಂದುವರಿವ ನಾಗರೀಕತೆ!!!